少年成長今日: 2|主題: 15861

收藏本版

回覆發帖

返回列表

跳至頁

查看: 30260 | 回覆: 2

中四選科 [複製鏈接]

csir3290

子爵府

積分: 11009

1^#

發表於 23-11-12 11:00 |只看該作者 |倒序瀏覽 |打印

阿仔升中完成開始慢慢適應嘅時候，又到家姐嘅另外一個階段開始，就係中四選科。真係好似一波未平一波又起咁，以為完成一個階段，點知又到另一階段嘅開始，喺香港有細路仔讀緊書嘅家長真係好辛苦，完成一個階段之後又要準備下一個階段嘅開始。

家姐今年中三已經開始要預備揀科，佢學校宜家已經畀佢哋接觸一啲中四佢哋會讀嘅選科，都係嘗試讀幾堂咁，家姐而家試讀緊經濟，完咗之後佢就會試讀數學延伸部分。暫時睇家姐讀經濟都讀得幾開心而且佢都話啲嘢幾有興趣應付得到，但係遲啲到數學延伸部分(M2)嘅時候，因為啲數學真係會深好多，所以家姐其實都冇乜信心。

去到選科當然又係要問下我啲做老師嘅同學嘅意見啦。因為而家嘅選科制度同我哋以前細個讀中學嘅時候嘅選科制度已經唔同曬，我哋以前就淨係揀文科同理科，但係而家乜嘢都話由興趣去揀，所以乜嘢科都可以揀，同以前好唔同。而家考文憑試如果預備考三個選科嘅時候，嗰三個選科可以完全唔同類型，即係你可以揀中史物理同埋商業，咁樣嘅組合。同我哋以前真係完全唔同曬，以前文就文，理科就理科，商科就商科，點會好似而家咁乜野組合都可以呢！

我啲教書嘅朋友講，如果真係純朋興趣去揀，個組合真係可以好亂，而且只係憑興趣揀到頭來你上大學嘅時候，或者到你將來想從事嘅專業行業可能啲科會完全唔啱。所以佢哋同我講要同阿女商量嘅時候唔可以只憑興趣，亦都要同佢傾下將來嘅出路同埋大學嘅選科，因為喺大學某啲嘅學科如果你想入，喺中學嘅時候你係必須要修讀個某一啲嘅選科先至可以，例如如果想讀醫嘅就應該要有科化學，你想讀工程或者精算就應該要有科數學延伸部分會好啲。佢哋話好多中學生去到中四選科嘅時候，好多時都係出於興趣或者係自己啲最好嘅同學選邊科佢哋就選邊科，如果咁揀法慢慢讀落去可能先會發現，自己原來未必跟得到高班嘅課程，又或者發覺到大學想選科嘅時候個選擇會少咗好多。所以佢哋嘅意見都係如果幫阿女選科嘅時候，第一真係要同佢睇多啲大學嘅課程嘅收生資格，等佢了解如果讀大學嘅時候，想讀嘅科目需要喺中學嘅時候修讀邊一啲嘅選科，亦都要開始同佢計劃一下將來有興趣嘅職業，從中去揀選合適嘅選科。我啲朋友講千祈唔好單憑興趣，做父母嘅亦都要喺佢身邊同佢一齊去搵唔同嘅資料，當然亦都要尊重佢哋嘅選擇。佢哋話兩個極端都係唔好，即係話一係就由得佢哋自己憑興趣揀，父母完全唔插手，又或者父母自己話曬事覺得邊個選科好，邊科將來出路好就要仔女一定跟從。其實咁樣對仔女將來嘅發展都係最唔好嘅。所以喺選科嘅時候一定要有商有量，父母亦都要多啲搵唔同嘅資料，畀合適嘅意見幫助仔女去做選擇。唔係個個細路仔都適合讀醫讀法律或者讀會計，呢啲喺父母心目中所謂嘅神科，父母要了解自己仔女嘅興趣同埋能力，因為到頭來要面對文憑試要面對呢三年課程嘅係自己嘅仔女唔係父母本身。

所以呢輪間唔中都會同阿女傾下將來選科嘅選擇，佢而家都好似仲未有啲乜嘢好明確嘅方向，雖然我同老婆都知道以阿女嘅能力有啲科目佢係應該可以讀到，但係我哋都唔會一定要阿女跟我哋嘅選擇，反而好多時都係同佢當傾下偈咁提供下資料畀佢考慮，不過當然喺提供資料嘅同時，其實我哋都慢慢引導緊佢向某一啲嘅方向諗，我哋唔想佢忽視咗選科嘅重要性，因為就係好多人以為上到去高中讀咩科都唔緊要而忽略咗其實選科對佢將來專業發展嘅影響其實好大。所以我哋畀資料同埋提供意見畀佢嘅時候其實都有少少引導性。不過當然呢啲引導都係建基於我哋對阿女能力同埋興趣上面嘅了解去做。不過最終做選擇嘅都係阿女亦都要尊重佢嘅選擇，如果阿女最終嘅選擇係建基於全面嘅了解同埋考慮嘅話，其實我同老婆亦都唔會有啲乜嘢異議！

0 0 0

私人傳訊回覆引用

CheungKeeKee

子爵府

積分: 12330

2^#

發表於 23-11-17 16:21 |只看該作者

絕對不覺得在香港讀書特別辛苦，家長也不會辛苦，世界各地都要升學選科。

我仔今年中四，其實現在的選科制度好自由。我們有跟阿仔一齊商量分析，不過最重要都是他自己意願，他的能力和興趣。

如果有長遠眼光就最好啦，但中三就要知道將來大學讀甚麼科比較困難。阿仔好簡單，選了自己讀得來又喜歡的，已經足夠了。不用想得太複雜，剛帶他連續幾星期去大學開放日，知道如要讀電腦科學要讀數，但他沒有選數學延伸，連數學也不好。但他到中六時是否會選電腦科學也未知，也可能不會讀大學。

我自己覺得大學不是職業先修學校，何況是中學。我親戚個仔快大學畢業，才發現自己不太想做精算師，當年他中六選科時還沒有頭緒，有能力就選了精算。朋友當年法律系畢業也沒有當律師。

私人傳訊回覆引用