吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part III

少年成長今日: 2|主題: 15861

收藏本版

回覆發帖

返回列表

跳至頁

樓主: SandraLo

6 789 10...171

積分: 4381

141^#

發表於 12-6-11 15:41 |只看該作者

SandraLo 發表於 12-5-23 22:23
japoton :

1歲半言語能力未夠快表達到佢想即要嘅嘢, 所以會出咗手先, 你要先 stop 佢, 睇吓佢到底想表達 ...

sandra LO

麻煩你教下教我
呀仔19個月大了現在還未改到動手打我同姐姐,最近還出手打人,昨天有位bb 扯佢件3仔, 佢即是好大反應扯反人地仲想出口咬人, 我即時阻止叫他對人say sorry 呀仔也有道歉, 但平時姐姐帶他到公園現, 姐姐話bb 會主動同人攬攬和say hello , 但如果對方不理他,仔就出口打人或推人, 我可以點做, 是不是未到公園就要讚定先, 是不是 bb 今日好乖,去公園唔好打人喎, bb好乖呀, 正確嗎?

另外姐姐告訴我話次次去完公園玩,bb 都話唔返屋企, 我姐姐夾硬抱起他, 他一定打姐姐和扯頭髮表達不高興, 我可以用什麼方法教姐姐讓仔仔乖乖跟姐姐回家, 不用次次都發脾氣呢?

私人傳訊回覆引用

SandraLo

珍珠宮

積分: 33212

142^#

發表於 12-6-11 22:08 |只看該作者

japoton 發表於 12-6-11 15:41
sandra LO

麻煩你教下教我
呀仔19個月大了現在還未改到動手打我同姐姐,最近還出手打人

japoton :

「還未改到動手打我同姐姐」~~ 你開始咗用讚未？
「我可以點做, 是不是未到公園就要讚定先, 是不是 bb 今日好乖,去公園唔好打人喎, bb好乖呀, 正確嗎?」~~ 係呀, 重要唔止讚一次！
「可以用什麼方法教姐姐讓仔仔乖乖跟姐姐回家, 不用次次都發脾氣呢?」~~ 若是你和bb去公園, 他有同樣情況出現嗎？

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊回覆引用

japoton

大宅

積分: 4381

143^#

發表於 12-6-12 14:33 |只看該作者

SandraLo 發表於 12-6-11 22:08
japoton :

「還未改到動手打我同姐姐」~~ 你開始咗用讚未？

因為每次動手打我之前他是好正常乖乖玩, 但當他想我抱(我又唔得閒)或唔想換尿片, 換衣服他就會先喊跟住出手打我,因為係好突然之前我沒有特別讚

私人傳訊回覆引用

japoton

大宅

積分: 4381

144^#

發表於 12-6-12 14:41 |只看該作者

SandraLo 發表於 12-6-11 22:08
japoton :

「還未改到動手打我同姐姐」~~ 你開始咗用讚未？

因為每次動手打我之前他是好正常乖乖玩, 但當他想我抱(我又唔得閒)或唔想換尿片, 換衣服他就會先喊跟住出手打我,因為係好突然之前我沒有特別讚定他外 , 另外去公園如果我星期六, 日自己帶我會同佢講足夠鍾返屋企啦, bb 我地不如睇下(管理處) 姨姨有咩玩,佢好乖比我抱返屋企 , 我係唔係叫姐姐用同一樣方法呢?

私人傳訊回覆引用

katang28

別墅

積分: 629

145^#

發表於 12-6-12 16:30 |只看該作者

Hi SandraLo,
我巳經睇左好多'讚'既文章, 我頭先亦對我囡囡 (1歲) 試過, 似乎有效, 我囡係一個attention seeking 既bb. 我ignore 完佢, 等佢靜落黎自己玩既時候大讚佢, 佢似乎唔再大吵大鬧.
跟住落黎我想問既係, 我個工人姐姐仲係好寵佢, 我巳經同佢講左好多次唔好比我囡囡要咩有咩, 但佢係我返工既時候一樣就哂我個囡, 咁其實如果只有我一個堅持到, 係咪有用呢? 定係我要工人都做到先叫有用? 但我個工人真係好難教, 我唔係好想再force 佢跟我既做法, 我想專心係我個囡度多d.
謝謝

私人傳訊回覆引用

SandraLo

珍珠宮

積分: 33212

146^#

發表於 12-6-12 22:05 |只看該作者

japoton 發表於 12-6-12 14:41
因為每次動手打我之前他是好正常乖乖玩, 但當他想我抱(我又唔得閒)或唔想換尿片, 換衣服他就會先喊跟住出 ...

japoton :

你是否已看點用讚的topic 頭兩個 post ? 不用捉 timing wor, 不是要捉他啱啱要打人之前 wor ! 請你再睇多次先啦！
想佢改正壞行為, 係响壞行為冇出現嗰陣讚, 咁佢先知嗰d係好行為, 會受到讚賞, 然後就唔再做相對嘅壞行為！
去公園嗰度 ~~ 你話去睇下姨姨有咩玩, 唔算講大話, 因你真係會同佢經過, 打個招呼, 但其實小朋友都要學去公園玩係會要返屋企, 唔駛下下為咗怕佢喊而揾d 嘢去引佢, 咁反而會令佢有乜都喊咗先, 再觀望吓你有乜甜頭俾佢先決定收唔收！你可以叫姐姐响公園走前先預告, 玩多陣就返屋企, 到要返嗰陣就即走, 言出必行, 可能姐姐見佢喊又玩多陣, 令佢以為喊可以改變姐姐決定 (事實又係), 因此助長咗佢喊, 若堅持一段時間, 應該ok !

私人傳訊回覆引用

SandraLo

珍珠宮

積分: 33212

147^#

發表於 12-6-12 22:49 |只看該作者

katang28 發表於 12-6-12 16:30
Hi SandraLo,
我巳經睇左好多'讚'既文章, 我頭先亦對我囡囡 (1歲) 試過, 似乎有效, 我囡係一個attention se ...

katang28 :

如只係你姐姐一個就佢, 佢就只會扭姐姐一個！即使淨係你做而姐姐唔跟, 都一樣有意思的............. 因為你先係媽咪, 到囡囡大d 個陣, 点做人係由你教而唔係由工人教, 最緊要係你, 你點對人同所做一切, 亦係佢樣版！

私人傳訊回覆引用

ecvy

大宅

積分: 1326

148^#

發表於 12-6-20 11:48 |只看該作者

回覆：小朋友大脾氣,可以點教 Part III

想請教，我仔四歲，最近又好似少少時咁發大脾氣，即要果d野唔比佢，佢就發爛蚱，又駁咀，又打人，大叫，超級失控，以前兩歲幾三歳曾有一排都係咁，後尾鬧完話完，好過一排，但最近又多返，冇論在定出街也是。同埋好似特登激我咁，叫佢去東，佢就特登去西。果刻鬧，之後同佢講返，佢話知道，但之後都係咁，佢好似係果下想法一沖昏左就咩都唔理，顛左咁。細佬岩岩五月出世，佢呢d行為就係細佬出世後浮現，我諗有關掛，但佢都會中意細佬，會㰖下鍚下佢，放學返來會搵細佬，我估潛意識行為？我仔一向都比較有主見，如何對付？身心疲累了！

私人傳訊回覆引用

Boscostep

別墅

積分: 570

149^#

發表於 12-6-20 12:52 |只看該作者

Hi,
想請教一下小朋友在公眾場所瞓地和大叫大咸, 令到全埸震撼怎樣處理呢.?
我之前的做法是: (但脾氣次數沒有減少, 反而增加, 簡直令我不知怎樣處理, 完全沒有信心制止他了), 幫忙看看, 我那裡要改善. 謝謝.
那次, 我在商場申請手機, 我小朋友便在附近行來行去, 起初他沒有搗亂, 只是摸摸人地D貨品, 不久他便走去玩人地排隊的欄, 我便說"NO", 便拖他到我身旁. 當然他不行, 又走回去玩, 我便再說一次" NO" 危險呀, 之後他便有大叫, 嚎哭扒地. 我便立即抱他離開鋪頭免影響別人, 抱他時, 他一路咸一路爭扎說要"落地", 我抱地商埸一角, 放下他, 他便立即扒地, 大叫...哭了很久...唉! 叫他收聲, 收身, 他都不理. 如果不理他, 他可以哭足足30MIN..我嘗試扮走, 他立即起身..之後走到我身邊再扒地大哭大叫
.我再嚴厲叫他起身, 收聲, 他之後慢慢起來, 我才抱他, 叫他乖啦, 不要哭.
但這情況一次又一次發生, 我都不知道再怎樣可以制止他, 減少他的行為. 我開始完都開始怕帶他出街., 作為媽咪的我都制止不到自己小朋友. 超級無奈. 始終常這樣都會影響其他人.
所以, 希望SANDRA能夠指點一下在公眾場所應該怎樣處理. 因為如果在家, 他發脾氣, 我可以完全忽視他, 讓他咸餐飽.

在外就不行.

私人傳訊回覆引用

abwong

複式洋房

積分: 188

畀面勳章

150^#

發表於 12-6-20 14:59 |只看該作者

Dear Angel Sandra,

剛剛0係我對我大囡既行為感到無助既時候，我就突然看到恍惚頭上戴上光圈既你在網上敎導人家應付小朋友既方法。

大囡現在19個月大，只懂講少量的單字，但可以聽懂絕大部份的意思。以下就係我大囡近來為我帶來的煩惱：

(1) 自幼就很少睇醫生，但大概半年前帶她睇醫生開始，算是懂事以來的第一次，我不以為然帶她入診所，首先給姑娘探熱開始 (已經是紅外線果種)，就瘋狂話要走，淚流披面，唯有帶她在診所門外靜侯。到見醫生既時候，她的瘋狂再度升級，除了喊﹑大叫﹑如果我不就範的話，她甚至會推開我要自已走或起腳抗拒別人，不讓醫生診症。自此之後，她不論任何地方，每次只要有人給她探熱就發狂。我已經每次在探熱之前/到診所之前進行輔導，讚她無喊好叻叻，媽媽在旁唔駛驚，我亦感覺到她已經盡量克制自己。因為她會聲音好小的同自己講"驚驚"但没有表現出來，她的手又不自覺的在輕拍著我肩膀，正如我平時輕拍着她一樣，即使好好的在等見醫生，但醫生房門關上的一刻，她就180度情緒大變了，步出醫生房後不消五分鐘，她就可以平伏過來。請問有什麼建議不讓我每次都打仗一樣的睇醫生？P.S. 但阿囡從不怕食藥的！

近兩個月更加嚴重的，每次走過一些比較幽暗既地方，如商場地庫，寫字樓辦工室，暗一點的走廊都會叫驚驚，開始叫走 (尚算溫和)，如果一路走過她尚可，但我一停下腳步如要入一房間，她就會突然發狂，大叫大喊要走。有試過氹她入內，如酒樓睇魚池等，她都失常似的要走。然後一般當晚都會發惡夢大叫大喊。

(2) 敎她如厠的開始，以為好成功，因為她願意在痰盃上坐上一個鐘，有看書的，有玩玩具的。可惜的是，坐著一個鐘之內都没有小便，但每次起來時就會不消十分鐘賴在地上。再以後就試著坐一個半鐘，又一樣。有試過兩﹑三次成功後，全家一起拍掌讚她叻叻，但她又很反覆的，每次真的要去小便的時候就要起身不願坐上。婆婆有試過打，之後就連在痰盃上白坐的一個鐘都唔願意。我又有試過迫她到大人厠所或是企缸都唔肯，晚上又再發惡夢，只是大叫着抱着你，没有其他，有時甚至要離開那房間。現在，我只好為她繼續著片了，因為我怕她對去厠所/小便產生恐懼感，我以後就更難敎了！

其實阿囡還有幾種情況的恐懼，但我明白有時候不可一步登天，希望可以先從以上兩個情況先作出調整。

原諒我寫得太長，但真的希望看看有什麼方法令大家過得舒服一點呢!
謝謝您！

私人傳訊回覆引用

SandraLo

珍珠宮

積分: 33212

151^#

發表於 12-6-20 22:37 |只看該作者

ecvy 發表於 12-6-20 11:48
想請教，我仔四歲，最近又好似少少時咁發大脾氣，即要果d野唔比佢，佢就發爛蚱，又駁咀，又打人，大叫，超 ...

ecvy :

鍾意細佬還鍾意細佬, 要小朋友唔爭寵(攞 attention) 事實係比較難.................... 點都好, 處理方法其實係一樣！
你睇咗點用讚個 topic 嘅頭兩個 post 未？

私人傳訊回覆引用

SandraLo

珍珠宮

積分: 33212

152^#

發表於 12-6-20 22:57 |只看該作者

Boscostep 發表於 12-6-20 12:52
Hi,
想請教一下小朋友在公眾場所瞓地和大叫大咸, 令到全埸震撼怎樣處理呢.?
.........希望SANDRA能夠指點一下在公眾場所應該怎樣處理. 因為如果在家, 他發脾氣, 我可以完全忽視他, 讓他咸餐飽.........

Boscostep :

相信你也明白, 只有 ignore 他的扭, 當沒事發生, 亦即是他扭不到, 他才不會扭.
是否已看怎樣用讚？
方法是：下次出街前預告不好趴地, 一出街就 keep 住每十分鐘讚一次, 如他瞓地扭, 不做聲(唔鬧唔話)站在他旁邊由他扭到扭完才離開, 唔可以半途叫他走或扮留低佢或offer 其他嘢, 只須給他試過兩次你不給他扭得到, 他便不會再這樣做了！你想再快些也可在出街前預告如扭計就即返屋企, 但你要夠力捉他才行, 也可定一些罸則, 但絕對不及「扭不到」來得有效！

私人傳訊回覆引用

Boscostep

別墅

積分: 570

153^#

發表於 12-6-21 17:42 |只看該作者

SandraLo 發表於 12-6-20 22:57
Boscostep :

相信你也明白, 只有 ignore 他的扭, 當沒事發生, 亦即是他扭不到, 他才不會扭.

即係他在街扭時，我立即扯他到一角由他扭餐飽待他收聲才讚回他乖，鍚番再解剛不對的行為。or 立即帶他離開現場(你說很對，真要夠力先可以，因2歲半人仔力氣超大)。另外，今天他冲完涼死都不願穿回衫褲。他超扭計又扭地，我怕他着涼立即先把他用毛包著抱他到床上，他上到床好像發了狂一樣，碌來碌去，叫極他穿回衣服都不穿，那我便ignore他，不望他只坐在床邊看書，每5~10min提示他穿回衣服，當然他在扭當中不斷要求野（一時又話要奶咀，一時又話要飲99~……要求多多)，我只給了他奶咀，但他都沒有收聲，亦不行穿上衣服。博鬥了45分鐘，他仍很硬頸，我便忍不住強行幫他穿，之後叫他好收聲啦！媽咪不喜歡跩孩子，你係咪good boy ar,係就收聲之後便有99飲，甘先可以收科，我完全心身疲勞。但之後不久他又好像忘記了又想扭計，但他都好像有黚些收儉。但他在午睡時居然大發惡夢不停哭。請問我是否太惡嚇到他或者我那裡要改善。煩請指導我，感激

私人傳訊回覆引用

SandraLo

珍珠宮

積分: 33212

154^#

發表於 12-6-21 22:37 |只看該作者

abwong 發表於 12-6-20 14:59
Dear Angel Sandra,

剛剛0係我對我大囡既行為感到無助既時候，我就突然看到恍惚頭上戴上光圈既你在網上敎 ...

abwong :

恐懼的處理, 一般做法都要將患者所怕的「慢慢移近」, 要他慢慢適應...................
你有在家和她探過熱嗎？她是怕「探熱」這個名詞還是怕別人搞她的耳朵？
你知不知囡囡何故對這些有恐懼？有過什麼不快的經歷嗎？你說還有幾種情況, 是什麼？

私人傳訊回覆引用

SandraLo

珍珠宮

積分: 33212

155^#

發表於 12-6-21 23:04 |只看該作者

Boscostep 發表於 12-6-21 17:42
即係他在街扭時，我立即扯他到一角由他扭餐飽待他收聲才讚回他乖，鍚番再解剛不對的行為。or 立即帶他離開 ...

Boscostep :

剛扭完已不須讚.................... 請先看怎樣讚的topic, 不好讚錯 !
解釋不當的行為 ~~ 相信你已解釋過不少次, 他也不會不知的, 所以亦不用了 ! 唯一要做的, 是令他明白你並不在乎他的扭, 即是再扭三個鈡你也不會嬲, 不受影馨, 那他才會罷休, 但之前讚的部份也相當重要, 是要他知道不扭反而會得到媽咪的 attention !!
你說在家時是由得他扭的, 現在看你處理他扭不穿衣的方法, 其實是有助長他和你糾纒的, 你應該 ignore 到底, 或怕他冷到的話, 一開始就選强行替他穿衣, 以免佢當和你糾纒是一場遊戲, 並透過這場遊戲攞盡你的注意力！
而他這個扭不穿衣的舉動, 和其他的扭, 全部都可以用讚處理得到, 你看完怎樣用讚, 再問！

私人傳訊回覆引用

abwong

複式洋房

積分: 188

畀面勳章

156^#

發表於 12-6-22 00:27 |只看該作者

回覆：SandraLo 的帖子

十分感謝您的回覆。
慢慢移近對於慢慢走進入她所恐懼的地方嗎？如果真的是，自問都有做到你所說的。我們是看醫院的專科門診的，她爸爸帶她的話，就連醫院的門口也進不了，但如果我帶的話還可以在候診的大堂安靜等候。不過，還是公眾地方嘛，醫生姑娘們都不會為你＂慢慢來＂呢。所以每當進入了診室，她的情緒又會波動起來。

耳探方面，之前以為診所的探熱才掀起她的情緒，殊不知到第一次返playgroup要探熱時又有突如其來的情緒反應，才認定她可能對耳探就是不喜歡，隨之，我就將家中的溫度計給她當玩具，跟她不時的"玩探熱＂, 才能由不敢觸踫，到現在我大部份時間都可幫她探熱，但如果護士小姐一不留神，為她探熱，那時候就連我也拿她沒辦法了。

如果要說經歷過什麼，我會說是打一歲針第二支針時就第一次有同樣嘅反應了。

其他的恐懼，就是走進地庫位置，去到一些去過或未去過的朋友家門前二三十呎範圍內，就開始有反應了。

平時婆婆帶她去飲茶，去遊樂塲，去街巿都沒有問題，返playgroup 時，起初都是不願意進入教室，但哄她進入教室後，她又會願意聽從老師的指示，到授課期間都會不時叫走，同時可能又會被下一個活動吸引而留著，現在第六堂了，情怳都差不多。

Sandra, 我真的很苦惱啊！

私人傳訊回覆引用

kk2008

子爵府

積分: 13164

好媽媽勳章

157^#

發表於 12-6-22 14:32 |只看該作者

本帖最後由 kk2008 於 12-6-22 16:17 編輯

Super SandraLo,

我睇左點讚既post, 跟住做好work!!!! 不過我個細孖唔知係比工人就慣定天生性格問題, eq好低, 有咩不滿唔講又唔出聲只係黑面同發皮氣粒聲唔出, 一唔開心就掉玩具/掃低chair

EG 1 我放工返到屋企第一時間去toilet洗手腳, 佢會好大力不停怕toilet門, 要我快d出返黎.

EG 2 細孖唔自己食dinner, 要食cake/麵包, 我唔agree, 只有發皮氣, 我ignore佢, 佢又死死地氣行黎我身邊, 但又唔講野又唔表示要食, 抱他上chair比碗筷佢又唔食, 又倒亂table d野, 我最後抱住佢自己一路食一路唔比佢攪事, 如果他想食就捉住我隻手去夾餱放係佢個口, 我試過引導佢出聲講出要求, 但都失敗

EG 3 大細孖同我玩緊, 類似玩反應果類GAME, 大孖想拍我隻手我要避開, 細孖怕我痛, 就大叫大CRY唔比大孖打我.

平時我用讚對佢係work既, 佢係有飄飄然, 只係表達能力同eq低(平時講說話係清楚句子), 為左佢我下個月做全職媽媽, 我應該點handle & 改變佢唔肯出聲既行為? 我覺得佢唔識表達自己, 收收埋埋type.

另外, 我問佢點解要咁樣做, 佢會答: 我鍾意MA......, 我會解釋比佢聽, 但他會反駁: 我唔鍾意xxx(對的行為), 我要xxx(錯的行為), 唉! 其實3.5yrs人仔都明白是非, 應唔應該解釋?

私人傳訊回覆引用

SandraLo

珍珠宮

積分: 33212

158^#

發表於 12-6-24 21:36 |只看該作者

abwong 發表於 12-6-22 00:27
十分感謝您的回覆。
慢慢移近對於慢慢走進入她所恐懼的地方嗎？如果真的是，自問都有做到你所說的。我們是 ...

abwong :

我原先預備叫你先和囡囡去看精神科, 但看了這 post 又覺得不太嚴重, 應該可以處理得到, 但就要多些耐性和時間.
「慢慢移近她所恐懼的東西」~~ 其實所須時間, 未必如你想像的短, 但理論就是這樣, 去到你覺得佢開始驚的位置, 就退回一個安全的位, 直至她不驚才再進少少.................. 也許她大些, 言語表達好些時, 你會明她多些, 那時改善情況應該可以更快！